पारिवारिक संगति भनेको ख्रीष्टियन परिवारले घरमै भेला भई परमेश्वरको वचनमा ध्यान दिने, प्रार्थना गर्ने, आराधना गर्ने र आपसी प्रेम तथा विश्वासमा एक–अर्कालाई बलियो बनाउने आत्मिक संगति हो। यो केवल धार्मिक अभ्यास मात्र नभई परिवारलाई आत्मिक रूपमा मजबुत बनाउने परमेश्वरद्वारा स्थापना गरिएको महत्वपूर्ण माध्यम हो। प्रारम्भिक कलीसियाको समयदेखि नै विश्वासीहरू घर–घरमा भेला भएर रोटी तोड्थे, प्रार्थना गर्थे र परमेश्वरको वचन सिक्थे (प्रेरित २:४६)। यही अभ्यास आजको सन्दर्भमा “नेपाली बाइबलसंगतिले“२००९ देखि निरन्तर गर्दै  आएको छ।

पारिवारिक संगति को मुख्य उद्देश्य परिवारका सबै सदस्यहरू—बालबालिका, युवा, आमाबुवा र वृद्धहरू—लाई परमेश्वरसँगको व्यक्तिगत र सामूहिक सम्बन्धमा बढ्न सहयोग गर्नु हो। यसले परिवारलाई संसारको दबाब, पापी प्रभाव र आत्मिक शिथिलताबाट जोगाउन महत्वपूर्ण भूमिका खेल्दछ। जब परिवार नियमित रूपमा परमेश्वरको वचन सुन्छ र पालन गर्छ, तब त्यो घर परमेश्वरको उपस्थितिले भरिएको आशिषको स्थान बन्छ (भजन १२७:१)।

पारिवारिक संगति  मार्फत परिवारभित्र आत्मिक अनुशासन विकास हुन्छ। नियमित बाइबल अध्ययन, प्रार्थना र आराधनाले परिवारका सदस्यहरूमा विश्वास, धैर्य, क्षमा र प्रेम जस्ता ख्रीष्टियन गुणहरू विकास गराउँछ। विशेष गरी बालबालिकाहरूले सानै उमेरदेखि परमेश्वरको भय र वचनको महत्व सिक्ने अवसर पाउँछन् (व्यवस्था ६:६–७)। यसले भविष्यमा उनीहरूलाई बलियो विश्वासी बन्न मार्गदर्शन गर्दछ।

तसर्थ : नेपाली बाइबल संगतिले हप्ताको एक दिन विश्वासीहरूको घरमा घरेलु संगति राख्दै आएको छ। यसो गर्दा विश्वासीको जीवनीलाई नजिकबाट नियाल्न सकिन्छ र हृदयलाई अन्यत्र मोडिनबाट जोगाउँदै परमेश्वरको महिमा गर्नलाई र परमेश्वरमा बलियो, विश्वासिलो भएर अगाडि बढ्नलाई मद्दत पुर्याउँदछ। नेपाली बाइबल संगतिको मुख्य उद्देश्य भनेको  देश छोडी प्रदेशमा रहेका नेपाली दाजुभाई तथा दिदीबहिनीहरूमा सत्यको मार्गबाट वञ्चित नहुन् भन्ने उद्देश्यले परमेश्वरको डर र भएमा जिउनलाई हरबखत आह्वान गर्दछ त्यसमध्ये घरेलु संगति पनि एक हो। जसले गर्दा विश्वासमा अझ प्रगाड हुँदै जानलाई यस घरेलु संगतिले महत्वपूर्ण भूमिका खेल्दछ।